Sirdølen nettavis

Skrevet av:

Oddvar Tjomlid

Publisert:

05.03.2010 kl 23:02

• Del på mail
• Del på Facebook
• Del på Twitter
• Skriv ut

Den nye barnehagen skal etter planen ha 5 avdelingar. Totalarealet er på omlag 1000 kvadratmeter, derav utgjer tilbygget 440 kvadratmeter. Den opphavelege planen gjekk ut på at arbeida skulle vere ferdige til skulestart 2011. Men av ulike årsaker har ikkje framdriftsplanen halde. Nå blir det føreslått å vente ennå eitt år. Det medfører at ny barnehage skal stå ferdig innan 15. august 2012. Grunngjevinga for å utsetje byggjinga, er først og fremst at det då vil bli enklare å finne midlertidige lokal for dei 80 barnehagebarna. Den første planen gjekk ut på å nytte Monan elevheim. Det har vist seg å vere meir kostnads- og arbeidskrevande enn først antatt.
-Bygga er ikkje dimensjonert for det antal personar som vil opphalde seg der, og ei ny ventilasjonsløysning vil koste 500.000 kroner. Det vil også bli behov for ei utviding av parkeringsarealet, og opparbeiding av trafikkareal for omlag 500.000 kroner, skriv rådmannen, som ser føre seg ei totalinvestering på 1.2 millionar på Monan for å kunne nytte dette til midlertidig barnehage eit års tid. Difor blir det i stadeen føreslått å drøye eit år ekstra, til den nye skulen på Tonstad kan tas i bruk. Då kan eventuelt brakkmodulane like ved, som i dag fungerer som midlertidig skule, tas i bruk.
-Brakkemodulene er av ein storleik og kvalitet som gjer dei godt eigna til midlertidig barnehage, både med omsyn til innemiljø og tryggleik, bemerker rådmannen, som føreslår at politikarane går for denne løysninga. Kostnadene ved å bruke brakkemodulane blir 1.4 millionar kroner.
-

Kommentarer (0 totalt)

Du må være innlogget for å skrive kommentar til nyheten.