Sirdølen nettavis

Skrevet av:

Oddvar Tjomlid

Publisert:

06.03.2010 kl 12:50

• Del på mail
• Del på Facebook
• Del på Twitter
• Skriv ut

-Me i veglaget har tilbode kraftselskapet å kjøpe vegrett til 10 gonger det som hytteeigarane betaler, men Sira-Kvina takka nei til tilbodet. Dei ville heller nytta helikoptertransport var svaret me fekk, fortel leiaren i veglaget, Isak Listøl.
Sira-Kvina kraftselskap, som står som oppdragsgjevar for Øksendalsutbyggjinga, har anlagt ny veg frå Ovedal og innover heia for å kome på plass med naudsynt anleggsutstyr. Men den enklaste måten å kome fram til bekkeinntaka ved Marevatn på, er å køyre opp frå Listøl. Difor tilbaud grunneigarane på Listøl under konsesjonshandsaminga sleskapet å kjøpe bruksrett til den 1.700 meter lange vegen deira for i overkant av 100.000 kroner. Men selskapet takka nei, og viste til at dei i staden kom til å nytte seg av helikoptertransport.
For nokre veker sidan blei leiaren i veglaget oppringt av ein transportør som ønska å trakta ein større anleggsmaskin opp vegen og inn i anleggsområdet.
-Men eg sa nei, og viste til avtalen som Sira-Kvina ikkje ville inngå. Det er synd at ein tredjepart blei skadelidande på denne måten, for det kosta visstnok 10.000 kroner dagen å leige den maskinen. Men me føler at Sira-Kvina berre har tatt seg tilrette i denne saka, og at me måtte nekte transporten.
Den siste tida har det gått sterke rykter om at anleggstrafikken på vegen nå føregår med 6-hjularar og snøskuter.
Rolv Guddal ved Sira-Kvina kraftselskap kjende ikkje godt nok til saken til å kunne uttale seg. Og sidan Anders Løyning for tida er bortreist, har det ikkje lukkast oss å få nokon kommentar frå kraftselskapet.

Kommentarer (0 totalt)

Du må være innlogget for å skrive kommentar til nyheten.